ইন্টাৰনেটৰ সুবিধা আৰু অসুবিধা” নামৰ এই নিবন্ধত, ইন্টাৰনেট ব্যৱহাৰৰ বিভিন্ন সুবিধা আৰু অসুবিধাৰ বিষয়ে বিশ্লেষণ কৰা হৈছে। ইন্টাৰনেটৰ সুবিধা যেনে তথ্যৰ সহজ লাভ আৰু গ্ল’বেল সংযোগৰ সুবিধা, লগতে অসুবিধা যেনে গোপনীয়তাৰ সমস্যা আৰু অনলাইন নিৰ্ভৰশীলতাৰ বিষয়সমূহ আলোচনা কৰা হৈছে।
ইন্টাৰনেট | ইন্টাৰনেটৰ সুবিধা আৰু অসুবিধা
তলত ‘ইন্টাৰনেটৰ সুবিধা আৰু অসুবিধা’ শিৰোনামেৰে দুটি ৰচনা দিয়া হ’ল । দুটাৰ পৰা আপোনাৰ বেছি ভাললগাটো বাচি লওক।
ইন্টাৰনেট | ইন্টাৰনেটৰ সুবিধা আৰু অসুবিধা
(ৰচনা ১)
‘ইন্টাৰনেট’ হৈছে কম্পিউটাৰ নেটৱৰ্কৰ এক বিশ্বব্যাপী ব্যৱস্থা।ইংৰাজী ‘Interconnection of Network’ শব্দকেইটাৰ প্ৰথম অংশৰ সংযোজন ঘটাই ‘Internet’ শব্দটি গঠন কৰা হৈছে। সহজ ভাষাত হাজাৰ হাজাৰ বিভিন্ন প্ৰকাৰৰ আৰু আকাৰৰ নেটৱৰ্কৰ সমষ্টিয়েই হৈছে ইন্টাৰনেট। ইন্টাৰনেটৰ লগত World Wide Web (W W W) শব্দকেইটা জড়িত। World Wide Web (সংক্ষেেপ ৱেব) হৈছে পৃথিৱীব্যাপী সিচঁৰতি হৈ থকা লাখ লাখ কম্পিউটাৰত পৰস্পৰ সংলগ্ন বিভিন্ন তথ্যপাতিৰ সামূহিক ভাণ্ডাৰ। বিভিন্ন তথ্যবোৰ পাঠ, গ্ৰাফিক্স, ভিডিঅ’ আৰু অডিঅ’ৰ মাধ্যমত থাকে আৰু ইয়াক অতি সহজে আহৰণ কৰিব পাৰি। ১৯৮৯ চনত চুইজাৰলেণ্ডৰ জেনেভাত পদাৰ্থ কণিকাৰ তাত্বিক আৰু ব্যৱহাৰিক গৱেষণাৰ আন্তঃৰাষ্ট্ৰীয় আৰু অতি উচ্চমানৰ পৃথিৱী বিখ্যাত গৱেষণাকেন্দ্ৰ চাৰ্নত W W W বা ৱেব -ৰ জন্ম হৈছিল।
বিংশ শতাব্দীৰ শেষ দহকত ইন্টাৰনেটৰ শুভাৰম্ভ হয় আৰু ইয়াৰ আৰম্ভণিৰ মাত্ৰ কেইবছৰমানৰ ভিতৰতে ইয়াৰ প্ৰসাৰ ইমানেই বৃদ্ধি পায় যে আজি ইন্টাৰনেট নোহোৱাকৈ এক মূহুৰ্তও চলিব নোৱাৰি। আজি আমাৰ দৈনন্দিন জীৱনৰ সকলো কাম-কাজ ইন্টাৰনেটৰ সহায়ত সম্পন্ন কৰা হয়।
ইন্টাৰনেটৰ বহুত সুবিধা আছে, যেনে:
প্ৰথমত, ইন্টাৰনেটৰ জৰিয়তে আমি পৃথিৱীৰ বিভিন্ন প্ৰান্তত থকা বন্ধু-বান্ধবীসকললৈ ই-মেইল পঠাব পাৰো, ভিডিঅ’ কলিং কৰিব পাৰো।
দ্বিতীয়, ইন্টাৰনেটৰ জৰিয়তে আমি বিভিন্ন ধৰণৰ তথ্য, কিতাপ-পত্ৰ আদি পঢ়িব পাৰো।
তৃতীয়তে, ঘৰতে বহি ৰেলৰ টিকট, বিমানৰ টিকট আদি সংগ্ৰহ কৰাৰ লগতে হোটেলৰ ৰুম বুকিং আদি বহুতো কাম কৰিব পাৰো।
চতুৰ্থতে, ইন্টাৰনেটৰ জৰিয়তে আমি ভিডিঅ’ গেম খেলিব পাৰো।
পঞ্চমতে, ইন্টাৰনেটৰ জৰিয়তে গীত, চিনেমা, আদি উপভোগ কৰিব পাৰো।
ইন্টাৰনেটৰ সুবিধা অৰ্থাৎ মিঠা দিশ থকাৰ লগতে ইয়াৰ অসুবিধা বা তিতা দিশো আছে, যেনে:
প্ৰথম, ইন্টাৰনেট অধিক ব্যৱহাৰ কৰিলে ইয়াৰ প্ৰতি ব্যৱহাৰকাৰী আসক্ত হৈ পৰে ।ফলত প্ৰধান কৰ্তব্যক পাহৰি যায়।
দ্বিতীয়ত, ইন্টাৰনেটে ব্যক্তি এজনৰ মনত পৰিয়াল আৰু সমাজৰ প্ৰতি থকা দায়িত্বৰ প্ৰতি অৱহেলাৰ ভাৱ গঢ়ি তোল।
তৃতীয়তে, ইন্টাৰনেটত সময়ৰ অপচয় হয়। ছাত্ৰ-ছাত্ৰীসকলে পাঠ্যপুথি অধ্যয়ন, আলোচনী, বাতৰি কাকত আদি পঢ়িবলৈ এলাগী হয়।
চতুৰ্থতে, ইন্টনেটত প্ৰচাৰ হোৱা তথ্য, বাতৰি আদি সদায় শুদ্ধ নহয়। বহু সময়ত উৰা-বাতৰিও প্ৰচাৰ হয়। ফলত মানুহৰ মাজত ভুল বুজা-বুজিৰ সৃষ্টি হৈ সমাজৰ ক্ষতি কৰে।
পঞ্চমতে, ইন্টাৰনেটত আসক্ত ছাত্ৰ-ছাত্ৰীসকলে শৰীৰচৰ্চা, খেলা-ধূলা, বন্ধু-বান্ধবীৰ লগত সম্পৰ্ক আদিৰ প্ৰতি পিঠি দিয়ে। ফলত শাৰীৰিক আৰু মানসিক বিকাশ ব্যাহত হয়।
ইন্টাৰনেট আধুনিক সভ্যতাৰ অতি বিষ্ময়কৰ আৱিষ্কাৰ। ই মানৱ সভ্যতাৰ ৰূপ মাত্ৰ কেইবছৰমানৰ ভিতৰতে অভাৱনীয়ভাৱে সলনি কৰি দিছে। ইন্টাৰনেট ব্যৱহাৰৰ বেয়া দিশ কিছুমান আছে যদিও ইয়াৰ শুভ দিশবোৰ অতুলনীয়। 0 0 0
You May Like:
- Ready Guide Seba English IX
- Ready Guide Seba English X
- Ready Guide HS 1st Yr English
- Ready Guide HS 2nd Yr English
ইন্টাৰনেটৰ সুবিধা আৰু অসুবিধা
(ৰচনা ২)
ইন্টাৰনেটৰ সুবিধা আৰু অসুবিধা
ভূমিকা
আজিকালি, ইন্টাৰনেট আমাৰ জীৱনৰ এক অঙ্গ হৈ পৰিছে। ইন্টাৰনেটৰ কিছুমান সুবিধা আৰু অসুবিধা আছে। আজিৰ এই প্ৰবন্ধত আমি সেয়া আলোচনা কৰিম।
ইন্টাৰনেটৰ সুবিধা
তথ্যৰ সহজ প্ৰৱেশ: ইন্টাৰনেটৰ জৰিয়তে আমি যিকোনো ধৰণৰ তথ্য সহজেই লাভ কৰিব পাৰো। উদাহৰণস্বৰূপ, পাঠ্য কিতাপৰ তথ্য, বৈজ্ঞানিক তথ্য, আৰু নানা বিষয়ে তথ্য লাভ কৰাত সহায় হয়।
জাগতিক সংযোগ: ইন্টাৰনেটৰ মাধ্যমে আমাৰ বন্ধু আৰু পৰিয়ালৰ লগত যিকোনো সময়ত সংযোগ ৰাখিব পাৰো।
অনলাইন শিক্ষাৰ সুবিধা: বহু শিক্ষা প্ৰতিষ্ঠান আৰু অনলাইন প্লাটফৰ্মে বিদ্যাৰ্থীসকলৰ বাবে শিকাৰ সঁজুলি আৰু কোর্স উপলব্ধ কৰে। এই ব্যৱস্থা বহুতৰ বাবে বাবে সুবিধাজনক।
মনাৰঞ্জনৰ সুবিধা: ইন্টাৰনেটৰ জৰিয়তে আমি সিনেমা, গান, গেম আৰু নানা ৰসাল বিষয়ৰ আনন্দ উপভোগ কৰিব পাৰো।
ইন্টাৰনেটৰ অসুবিধা
গোপনীয়তাৰ সমস্যা: ইন্টাৰনেটত আমাৰ ব্যক্তিগত তথ্য কেতিয়াবা সুৰক্ষিত নোহোৱা হৈ পাৰে। কোনোৱে আমাৰ তথ্য চুৰি কৰাৰ সম্ভাৱনা থাকে।
অতি নিৰ্ভৰশীলতা: ইন্টাৰনেটত বহু সময় ব্যয় কৰি থকাৰ ফলত, বাস্তৱ জীৱনত মানুহৰ লগত মানুহৰ সম্পৰ্ক হ্ৰাস পাই আছে ।
অপচয় আৰু অপব্যয়: ইন্টাৰনেটেবহুতৰ সময় অপচয় কৰি আছে আৰু অনাবশ্যকীয় বিষয়ত লাগি থকাৰ সম্ভাৱনা থাকে।
মিথ্যা তথ্য: ইন্টাৰনেটত মিথ্যা অথবা ভুল তথ্য থাকিব পাৰে। বহু সময়ত ভাল বেয়া চিনাক্ত কৰাত অসুবিধা হয় ।
উপসংহাৰ
ইন্টাৰনেটৰ সুবিধা আৰু অসুবিধা দুয়োটাই আছে। সেয়া ব্যৱহাৰ কৰাৰ সময়ত সচেতন থাকি, সঠিক তথ্য বিচাৰাটো আৰু গোপনীয়তা সুৰক্ষিত ৰখাটো অত্যন্ত জৰুৰী। ইন্টাৰনেটৰ সহায়ত আমি বেছি শিকিব পাৰো আৰু মনাৰঞ্জন লাভ কৰিব পাৰো যদিও ইয়াৰ অসুবিধাৰ ওপৰতো চ্কু ৰাখাটো উচিত। ০ ০ ০
ইন্টাৰনেটৰ সুবিধা আৰু অসুবিধা: প্রশ্নোত্তৰ
প্রশ্ন ১: ইন্টাৰনেট কি?
উত্তৰ: ইন্টাৰনেট হৈছে এক বৈশ্বিক নেটৱৰ্ক যি কম্পিউটাৰ আৰু মোবাইলৰ সহায়ত বিভিন্ন তথ্য আদান-প্ৰদান কৰে।
প্রশ্ন ২: ইন্টাৰনেটৰ সুবিধাসমূহ কি কি?
উত্তৰ: ইন্টাৰনেটৰ সুবিধাসমূহ হ’ল তথ্যৰ সহজ প্ৰৱেশ, জাগতিক সংযোগ, অনলাইন শিক্ষাৰ সুবিধা, আৰু মনাৰঞ্জনৰ সুবিধা।
প্রশ্ন ৩: ইন্টাৰনেটৰ গোপনীয়তা কেনেকৈ সুৰক্ষিত ৰাখিব পাৰি?
উত্তৰ: গোপনীয়তা সুৰক্ষিত ৰাখিবলৈ শক্তিশালী পাসৱৰ্ড ব্যৱহাৰ কৰক, ব্যক্তিগত তথ্য শ্বেয়াৰ কৰাৰ সময়ত সাৱধান থাকক, আৰু সন্দেহজনক লিংক ক্লিক নকৰক।
প্রশ্ন ৪: ইন্টাৰনেটৰ অসুবিধাসমূহ কি কি?
উত্তৰ: ইন্টাৰনেটৰ অসুবিধাসমূহ হ’ল গোপনীয়তাৰ সমস্যা, অতি নিৰ্ভৰশীলতা, সময়ৰ অপচয় আৰু মিথ্যা তথ্যৰ সম্ভাৱনা।
প্রশ্ন ৫: ইন্টাৰনেটত সময় অপচয় কেনেকৈ ৰোধ কৰিব পাৰি?
উত্তৰ: ইন্টাৰনেট ব্যৱহাৰৰ সময়ত সময় নিৰ্ধাৰণ কৰক, বিশ্ৰাম লওক, আৰু প্ৰয়োজনীয় কামৰ ওপৰত মনোযোগ দিয়ক।
প্রশ্ন ৬: ইন্টাৰনেটৰ সহায়ত কি কি শিকিব পাৰি?
উত্তৰ: ইন্টাৰনেটত বিভিন্ন অনলাইন পাঠ, ভিডিঅ’ পাঠ, আৰু শিক্ষামূলক সমগ্ৰীৰ সহায়ত নতুন নতুন কথা শিকিব পাৰি।
প্রশ্ন ৭: ইন্টাৰনেটত কিদৰে মিথ্যা তথ্য চিনাক্ত কৰিব পাৰি?
উত্তৰ: ইন্টাৰনেটত তথ্যৰ সঠিকতা যাচাই কৰিবলৈ বিভিন্ন উৎসৰ পৰ্যালোচনা কৰক আৰু প্ৰমাণিত উৎসৰ পৰা তথ্য গ্ৰহণ কৰক। ০ ০ ০
বি. দ্র. উক্ত ‘ইন্টাৰনেট | ইন্টাৰনেটৰ সুবিধা আৰু অসুবিধা | Internet Essay in Assamese’ ৰচনাটি ৰাব্বি মছৰুৰ ৰচিত ‘অসমীয়া ৰচনা শিক্ষা‘ গ্রন্থৰ অন্তর্গত।
ৰাব্বি মছৰুৰ ৰচিত কেইখনমান গ্রন্থ:
- অসমীয়া লেখক পৰিচয়
- বিশ্ব ব্যক্তি পৰিচয়
- অসমীয়া ৰচনা শিক্ষা
- অসমীয়া ভাব সম্প্রসাৰণ
- এক গুচ্ছ জীৱনী
- শিশু পদ্য
- অসমীয়া অনুবাদত বিশ্ব চুটি গল্প
- অসমীয়া অনুবাদত বিশ্ব কবিতা
- অসমীয়া অনুবাদত বিদেশী কবিতা
- পৃথিৱীৰ আৰু মোৰ (কাব্য সংকলন)
- সংহতিৰ ভাড়া ঘৰ ( কাব্য সংকলন)
- মোৰ গীত তোমাৰ সুৰ (গীতি কবিতা সংকলন)
- তুমি কেমন প্রেমিক (বাংলা কাব্য সংকলন)
- তোমাকে বলছি (বাংলা কবিতা সংকলন)
- ফণী শৰ্মাৰ নাটক ‘চিৰাজ’-এক সমালোচনা
- হীৰেন ভট্টাচাৰ্যৰ কবিতা -এক বিশ্লেষণাত্মক অধ্যয়ন
- ইছমাইল হোছেইনৰ কবিতা : এক বৈশিষ্ট্যমূলক আলোচনা
- ইছমাইল হোছেইনৰ কবিতা: এক বিশ্লেষণাত্মক অধ্যয়
- অসমীয়া উপন্যাস সমালোচনা
- অসমীয়া চুটি গল্প সমালোচনা
- মৌলানা আবুল কালাম আজাদ (চমু জীবনী)
- অসমীয়া কবি প্রতিভা (সাহিত্য সমালোচনা)
- নির্বাচিত অসমীয়া কবিতা সমালোচনা
- অসমীয়া ব্যাকৰণ ক অংশ
- অসমীয়া ব্যাকৰণ খ অংশ
- নির্বাচিত অসমীয়া কবিতাৰ মূলভাব
- আৰবী সাহিত্যৰ ইতিহাস:প্রাক-ইসলামী যুগ (৫০০-৬২২ খৃ:)
- আৰবী সাহিত্যৰ ইতিহাস:প্রাথমিক ইসলামী যুগ (৬২২-৬৬১)…
Some Important Books for Students:
- Advertisement Writing
- Amplification Writing
- Note Making
- Paragraph Writing
- Notice Writing
- Passage Comprehension
- The Art of Poster Writing
- The Art of Letter Writing
- Report Writing
- Story Writing
- Substance Writing
- School Essays Part-I
- School Essays Part-II
- School English Grammar Part-I
- School English Grammar Part-II..
অতিৰিক্ত অনুসন্ধান:
- অসমীয়া ৰচনা
- নির্বাচিত অসমীয়া সাহিত্য, ৰচনা আৰু ব্যাকৰণ
- তোমাৰ প্রিয় সাহিত্যিক
- জৈৱ বৈচিত্ৰ্য
- জনসংখ্যা বৃদ্ধিৰ সমস্যা
