মহানগৰ
—ৰাব্বি মছৰুৰ
মহানগৰ | Mahanagar
মহানগৰ
আশাৰ অসিময় আলো লৈ খোজ কাঢ়িছো
খলা-বমা ৰাজপথৰ দাঁতিয়ে দাঁতিয়ে
হেঙুল সময়ৰ তালে তালে।
আড়ষ্ট সময়ৰ অসহায়তাত মোৰ হৃদয়ঘৰ ভাৰাক্ৰান্ত
অকনমান কোলাহলহীন নীৰৱতাৰে, অকনমান শুকুলা শান্তিৰে
কটাব নোৱাৰো ইয়াত এৰাতিও-
ভৰিৰ তলৰ পৰা আঁতৰ হয় মাটি
বুকুৰ পৰা আশা, হাতৰ পৰা
শতাব্দীৰ মুক্তিৰ বীণ
কণ্ঠৰ পৰা প্ৰাগলভ শ্লোগান।
মহানগৰৰ উপকণ্ঠত থিয় হৈ শুনিলো–
শতাব্দী জ্বলি-পুৰি শেষ হোৱাৰ কথা
আৰু মৃত্যুৰ দুৱাৰ দলিত ঠেলা-হেঁচা কৰা
হেজাৰ অনাথ শিশুৰ মৃত্যু চিৎকাৰ
অকালতে প্রৌঢ়ত্ব পোৱা ডেকা-ডেকেৰীৰ কোৰ্হাল হাই-উৰুমি
মাজে মাজে কোনোৱে কাৰো মাত নুশুনা কৰাল আহ্বান-
বিপ্লৱী শ্লোগান।
আধুনিক কবিতাৰ দৰে কেৱল কবিসকলেহে বুজি পায়।
জীৱন মৰুত হেৰুৱা মুকুতাখিনি
কাহানিবাই জীৱাষ্ম হোৱাৰ দৰে
মহানগৰৰ শান্তি নামৰ পাৰ চৰাইটি
কেতিয়াবাই শিলাস্তূপত জাহ গ’ল।
আৰু চিৰিয়াখানা?
তাত আছে শতাব্দীৰ যৌৱনোদ্যম ডেকা-ডেকেৰীৰ
কান্ধত কান্ধ মিলাই সপোন ৰচাৰ বনৰীয়া বাসনা।
মহানগৰৰ বুকুত সূৰ্যোদয় নহয়
আছে মাথো
এডিচনৰ চাকিৰ নতুন সংস্কৰণৰ পয়োভৰ।
কবিৰ চকুত এতিয়া আশা ভঙ্গৰ কৰুণতা
অকালপক্ক বৃদ্ধাৰ হুমূনিয়াৰ দৰে নিঃস্ব। ০ ০ ০
ৰাব্বি মছৰুৰ ৰচিত কেইখনমান গ্রন্থ:
- অসমীয়া লেখক পৰিচয়
- বিশ্ব ব্যক্তি পৰিচয়
- অসমীয়া ৰচনা শিক্ষা
- অসমীয়া ভাব সম্প্রসাৰণ
- এক গুচ্ছ জীৱনী
- শিশু পদ্য
- অসমীয়া অনুবাদত বিশ্ব চুটি গল্প
- অসমীয়া অনুবাদত বিশ্ব কবিতা
- অসমীয়া অনুবাদত বিদেশী কবিতা
- পৃথিৱীৰ আৰু মোৰ (কাব্য সংকলন)
- সংহতিৰ ভাড়া ঘৰ ( কাব্য সংকলন)
- মোৰ গীত তোমাৰ সুৰ (গীতি কবিতা সংকলন)
- তুমি কেমন প্রেমিক (বাংলা কাব্য সংকলন)
- তোমাকে বলছি (বাংলা কবিতা সংকলন)
- ফণী শৰ্মাৰ নাটক ‘চিৰাজ’-এক সমালোচনা
- হীৰেন ভট্টাচাৰ্যৰ কবিতা -এক বিশ্লেষণাত্মক অধ্যয়ন
- ইছমাইল হোছেইনৰ কবিতা : এক বৈশিষ্ট্যমূলক আলোচনা
- ইছমাইল হোছেইনৰ কবিতা: এক বিশ্লেষণাত্মক অধ্যয়
- অসমীয়া উপন্যাস সমালোচনা
- অসমীয়া চুটি গল্প সমালোচনা
- মৌলানা আবুল কালাম আজাদ (চমু জীবনী)
- অসমীয়া কবি প্রতিভা (সাহিত্য সমালোচনা)
- নির্বাচিত অসমীয়া কবিতা সমালোচনা
- অসমীয়া ব্যাকৰণ ক অংশ
- অসমীয়া ব্যাকৰণ খ অংশ
- নির্বাচিত অসমীয়া কবিতাৰ মূলভাব
- আৰবী সাহিত্যৰ ইতিহাস:প্রাক-ইসলামী যুগ (৫০০-৬২২ খৃ:)
- আৰবী সাহিত্যৰ ইতিহাস:প্রাথমিক ইসলামী যুগ (৬২২-৬৬১)…
Some Important Books for Students:
- Advertisement Writing
- Amplification Writing
- Note Making
- Paragraph Writing
- Notice Writing
- Passage Comprehension
- The Art of Poster Writing
- The Art of Letter Writing
- Report Writing
- Story Writing
- Substance Writing
- School Essays Part-I
- School Essays Part-II
- School English Grammar Part-I
- School English Grammar Part-II..
অতিৰিক্ত অনুসন্ধান:
