বেশ্যাই পিন্ধিছে সতীত্বৰ সাজ-এক সমালোচনাত্মক বিশ্লেষণ
বেশ্যাই পিন্ধিছে সতীত্বৰ সাজ- এক সমালোচনাত্মক বিশ্লেষণ
‘বেশ্যাই পিন্ধিছে সতীত্বৰ সাজ-এক সমালোচনাত্মক বিশ্লেষণ
‘বেশ্যাই পিন্ধিছে সতীত্বৰ সাজ’ শিৰোনামৰ কবিতাটি কবি ইছমাইল হোছেইনৰ ‘জীৱন আৰু মানুহ বিষয়ক’ কবিতা সংকলনৰ কবিতাবোৰৰ ভিতৰত এটি উল্লেখযোগ্য সামাজিক কবিতা। ইয়াৰ মাজেৰে কবিয়ে সামাজিক, ৰাজনৈতিক, অৰ্থনৈতিক আদি সকলো দিশত চলি থকা ভণ্ডামিবোৰ সহজ সৰল ভাষাত মূৰ্ত কৰি তুলিছে। ‘বেশ্যাই পিন্ধিছে সতীত্বৰ সাজ’ – এই শিৰোনামটোৱেই ৰূপকাত্মকভাবে কবিতাটিৰ বিষয়-বস্তুৰ আভাষ দিয়ে। ইয়াত ‘বেশ্যা’ শব্দই সমাজক নিৰ্দেশ কৰিছে আৰু ‘সতীত্বৰ সাজ’ প্ৰতীকে ভদ্ৰলোকৰ মুখা পিন্ধা অভদ্ৰতালিক ঢাকিবলৈ বৃথাই কৰা চেষ্টাক বুজাইছে।
বেশ্যাই পিন্ধিছে সতীত্বৰ সাজ- এক সমালোচনাত্মক বিশ্লেষণ
সমাজত মানৱ প্ৰমূল্য ক্ৰমান্বয়ে কমি আহি আছে।মানুহবোৰে মৃত্যুমুখী পথৰ পথিক। সিহঁতে সকলো ধৰণৰ নৈতিক চাল-চলনৰ প্ৰকৃত পথৰ পৰা স্খলিত হৈছে। ফলত মানৱ সমাজৰ নৈতিক মৃত্যু অৱধাৰিত হৈছে। কবিৰ ভাষাত–
“মৃত্যুৰ ওচৰা-ওচৰিকৈ জীৱনৰ আহ-যাহ চলিছে
নিলামতে চলিছে মানুহৰ দৰ-দাম
কচাইখানাৰ বিয়াগোম বজাৰ।”
বেশ্যাই পিন্ধিছে সতীত্বৰ সাজ- এক সমালোচনাত্মক বিশ্লেষণ
কবিয়ে ‘শান্তি সখী’ৰ সপোন দেখিছে। কিন্তু কবিৰ সমাজ ভদ্ৰলোকৰ মুখা পিন্ধা সকলে কবিৰ বুকু বিদাৰিত কৰিছে। কবিয়ে আশা কৰে যদিও কবিৰ সপোন সখী (শান্তি) য়ে এন্ধাৰ নিশা (সামাজিক কলুষ-কালিমা) বোৰৰ খবৰ ল’বলৈ নাহে।
“বুকুবোৰ গছকি মাতাল ৰাতিৰ ছয়া-ময়া গতি
এন্ধাৰৰ খবৰ ল’বলৈ এবাৰো নাহে সপোন সখি।”
কবি নিৰাশ হৈ পৰিছে। কবিয়ে ক’ব খোজে সমাজৰ ভণ্ডামীৰ কথা; কিন্তু কবিয়ে তেওঁৰ কথা শুনাবলৈ কোনো শ্ৰোতা পোৱা নাই – কিয়নো য’ত সকলোৱেই যেতিয়া কৃত্ৰিম জীৱন-যাপন কৰিব লাগিছে তাত কোনেনো অকৃত্ৰিমতাৰ গুৰুত্ব বুজে। কবিৰ কণ্ঠত জুই জ্বলিছে। সন্ত্ৰাসীয়ে বিনাদ্বিধাই মানুহ মাৰিছে ফলত মানুহবোৰে নিজৰ চেতনা হেৰুৱাই জঠৰ হৈ পৰিছে। কবিৰ ভাষাত–
“কাক ক’ম কথাবোৰ, ক’ত সাঁচিম আশাবোৰ
জিভাত জ্বলিছে জুই, বুকুত তেজৰ নদী;
চাবও নোৱাৰি একো, শুনিবও নোৱাৰি কথা
খুজিবও নোৱাৰি হৃদয়
বিষাদ বেদনাত মানুহবোৰ একো-একোটা শিল।”
বেশ্যাই পিন্ধিছে সতীত্বৰ সাজ- এক সমালোচনাত্মক বিশ্লেষণ
কবিয়ে শান্তিৰ কথা কাকো সুধিব নোৱাৰে, নদীয়েও স্ৰোঁতৰ কথা পাহৰি গৈছে, ‘অৰণ্য’ (পৰিৱেশিক শান্তিৰ প্ৰতীক) ই সেউজ নিঁসিচে আনকি কবিয়ে তেওঁৰ সখীৰ স’তেও প্ৰাণ খুলি আনন্দৰ গান গাব নোৱাৰে। কবিয়ে কৈছে–
“নদীক সুধিব নোৱাৰি সোঁতৰ কথা
অৰণ্যৰো ভীষণ লাজ, নিঁসিচে সেউজ
সখীৰ স’তে গাব নোৱাৰি গান।”
বেশ্যাই পিন্ধিছে সতীত্বৰ সাজ- এক সমালোচনাত্মক বিশ্লেষণ
কবিয়ে মানুহবোৰক এই অৱস্থাৰ প্ৰতি সচেতন কৰিব বিচাৰিছে; কিন্তু মানুহবোৰৰ ওচৰলৈ গ’লেই সিহঁত আঁতৰি যায়। সাম্প্ৰদায়িক সংঘৰ্ষত গাঁৱৰ ঘৰবোৰত জুই লাগিছে। কবিয়ে উপলব্ধি কৰিছে যে সময়বোৰ মাংসভোজী হায়েনাহে। কবিৰ ভাষাত–
“কাষ চাপি অহাৰ আগেয়ে গুচি যায় মানুহবোৰ
বহু কথাই পৰস্পৰে ক’বলৈ ৰয় বাকী;
ঘৰে ঘৰে জ্বলি যায় মিলনৰ সাতাম পুৰুষীয়া ঘৰ
সময়বোৰ যেন হায়েনাৰ ৰাতি।”
চাৰিওফালে হত্যা-লীলাৰ তাণ্ডৱ নৃত্য চলিছে। নদীবোৰৰ পানী তেজেৰে ৰাঙলী হৈছে। সাম্প্ৰদায়িক সংঘৰ্ষত জ্বলা জুইত হাত সেকিয়েই চেনায়ে প্ৰিয়াক উদ্দেশ্যি বাঁহী বজাইছে। কিন্তু শান্তি সখীয়ে এবাৰো ভূমুকি নামাৰে। সেয়ে কবিয়ে কৈছে–
“তেজৰ নদীত গা ধুই, ঘৰমুৱা হয় গৰখীয়া,
খবৰ ল’বলৈ এবাৰো নাহেচোন সপোন সখি
অৰণ্যৰ জুইতেই হাত সেকি চেনাই এ বজায় বাঁহী।”
বেশ্যাই পিন্ধিছে সতীত্বৰ সাজ- এক সমালোচনাত্মক বিশ্লেষণ
আজিকালি শ্মশানেই মানুহৰ ঘৰ – কিয়নো ইয়াত অকাল মৃত্যুৰ কোনো হিচাপ নাই, জীৱন থাকোতেই মানুহ শ্মশানলৈ যাব লগা হয়। সকলোৱেই এই অনাচাৰ, দূর্বিচাৰবোৰ প্ৰত্যক্ষ কৰে যদিও কোনেও ইয়াৰ বিৰুদ্ধে কিবা ক’বলৈ আগবাঢ়ি নাহে। যেন কাৰো ভাষা কোনোৱে নুবুজে, যেন কাৰো কথা কোনোৱে নুশুনে, যেন দেখিও একো নেদেখে। এনেকুৱা অৱস্থাত কবিৰ সপোন সখি (কাঙ্খিত শান্তিৰ প্ৰতীক) লাজতে দেখা নিদিয়ে বুলি কবিয়ে ভাবিছে। কবিৰ ভাষাত–
“শ্মশানত মানুহবোৰে বাহৰ পাতিছে, আদিম যুগৰ ঘৰ
ভাষাবোৰ নুবুজে, কথাবোৰ নুশুনে
………………….
সপোন সখিয়েও কাষ চাপিবলৈ কৰিছে লাজ
বেশ্যাই পিন্ধিছে সতীত্বৰ সাজ।”
কবিতাটি বিষয়-বস্তু, ভাষা আৰু কাব্যিক সৌন্দৰ্যত এটি অতুলনীয় কবিতা। ই ৰূপক, ঊৎপ্ৰেক্ষা, উপমা আৰু প্ৰতীক অলংকাৰেৰে ভ’ৰপুৰ। ০ ০ ০
বেশ্যাই পিন্ধিছে সতীত্বৰ সাজ- এক সমালোচনাত্মক বিশ্লেষণ
ৰাব্বি মছৰুৰ ৰচিত কেইখনমান গ্রন্থ:
- অসমীয়া লেখক পৰিচয়
- বিশ্ব ব্যক্তি পৰিচয়
- অসমীয়া ৰচনা শিক্ষা
- অসমীয়া ভাব সম্প্রসাৰণ
- এক গুচ্ছ জীৱনী
- শিশু পদ্য
- অসমীয়া অনুবাদত বিশ্ব চুটি গল্প
- অসমীয়া অনুবাদত বিশ্ব কবিতা
- অসমীয়া অনুবাদত বিদেশী কবিতা
- পৃথিৱীৰ আৰু মোৰ (কাব্য সংকলন)
- সংহতিৰ ভাড়া ঘৰ ( কাব্য সংকলন)
- মোৰ গীত তোমাৰ সুৰ (গীতি কবিতা সংকলন)
- তুমি কেমন প্রেমিক (বাংলা কাব্য সংকলন)
- তোমাকে বলছি (বাংলা কবিতা সংকলন)
- ফণী শৰ্মাৰ নাটক ‘চিৰাজ’-এক সমালোচনা
- হীৰেন ভট্টাচাৰ্যৰ কবিতা -এক বিশ্লেষণাত্মক অধ্যয়ন
- ইছমাইল হোছেইনৰ কবিতা : এক বৈশিষ্ট্যমূলক আলোচনা
- ইছমাইল হোছেইনৰ কবিতা: এক বিশ্লেষণাত্মক অধ্যয়
- অসমীয়া উপন্যাস সমালোচনা
- অসমীয়া চুটি গল্প সমালোচনা
- মৌলানা আবুল কালাম আজাদ (চমু জীবনী)
- অসমীয়া কবি প্রতিভা (সাহিত্য সমালোচনা)
- নির্বাচিত অসমীয়া কবিতা সমালোচনা
- অসমীয়া ব্যাকৰণ ক অংশ
- অসমীয়া ব্যাকৰণ খ অংশ
- নির্বাচিত অসমীয়া কবিতাৰ মূলভাব
- আৰবী সাহিত্যৰ ইতিহাস:প্রাক-ইসলামী যুগ (৫০০-৬২২ খৃ:)
- আৰবী সাহিত্যৰ ইতিহাস:প্রাথমিক ইসলামী যুগ (৬২২-৬৬১)…
Some Important Books for Students:
- Advertisement Writing
- Amplification Writing
- Note Making
- Paragraph Writing
- Notice Writing
- Passage Comprehension
- The Art of Poster Writing
- The Art of Letter Writing
- Report Writing
- Story Writing
- Substance Writing
- School Essays Part-I
- School Essays Part-II
- School English Grammar Part-I
- School English Grammar Part-II..
অতিৰিক্ত অনুসন্ধান:
